1
Եկեք պատկերացնենք, որ ձեր ուսուցողական ծրագիրը, անկախ նրա ձեւաչափից ու
տեւողությունից, մի յուրատեսակ գնացք է, որն իր «ուղեւորներին» մի կետից հասցնելու
է մյուսը։ Որպես «գնացքավար», դուք հնարավորություն ունեք «գնացքը» տանել այն
միակ ճանապարհով, որը ձեզ քաջ ծանոթ է եւ որով անցել եք շատ անգամներ։ Սակայն,
պատկերացրեք, թե որքան ավելի հետաքրքիր կլինի ընթացքը «ուղեւորների» համար,
եթե ինչ-որ պահի «գնացքի» առջեւ բացվեն մի քանի ճանապարհներ եւ նրանք
հնարավորություն ստանան ընտրել դրանցից մեկը ձեր փոխարեն։ Անհանգստանալու կարիք չկա՝ «գնացքը» միեւնույն է հասնելու է իր նպատակակետին, քանի որ բոլոր
ճանապարհներն էլ ձեր կողմից նախապես գծագրված են եւ տանում են դեպի միեւնույն
վերջնակետը։ Ամեն ինչ ձեր ձեռքերում է։
Այս ամենը նախապատրաստելու համար ձեզ անշուշտ անհրաժեշտ կլինի ավելի շատ
ժամանակ։ Ձեզնից ավելի մեծ ջանքեր կպահանջվեն՝ ինչ-որ նոր ու արտասովոր
լուծումներ, բայց վստահ եղեք, որ արդյունքը կգերազանցի ձեր սպասելիքները։ Չէ՞ որ
մասնակցությունն ինքնին զվարճանք է։ Տվե՛ք ձեր լսարանին այդ հնարավորությունը։
Թող նրանք դառնան ձեր յուրատեսակ ինտերակտիվ ներկայացման դերասանները,
որոնք երբեք չեն ձանձրանա, քանի որ մասնակցում են։
Հայաստանում ինտերակտիվ թատրոնի առաջատարը «Փոփոխությունների թատրոնն»
է, որը ավելի քան 10 տարի պրոֆեսիոնալ մակարդակով իրականացնում է
ուսումնազվարճանքի բազմաբնույթ ծրագրեր։ Մեր մասին ավելին՝ այստեղ։
Comments
Post a Comment